هه‌ڵۆی کوردستان

-
هەڵە
  • JFolder::create: Could not create directory

راگه‌یه‌ندراوی‌ ناوەندی هاوکاری حیزبەکانی کوردستانی ئێران

پۆستی ئەلیکترۆنی چاپکردن

خەڵکی عەداڵەتخواز‌و ئازادیخوازی ئێران

کۆمەڵانی تێکۆشەری خەڵکی کوردستان

پاش ڕاگەیاندنی بەرز بوونەوەی٣٠٠٪ی نرخی بێنزین لە لایەن دەوڵەتی کۆماری ئیسلامییەوە، خەڵکی شار‌و ناوچە جیاجیاکانی ئێران‌و كوردستان لە ناڕەزایەتی بەم بڕیارە بە ڕاگرتنی ئۆتۆمبیلەکانیان، داخستنی شەقام‌و جادەکان، بێزاری‌و بێ دەرەتانیانی خۆیان ڕاگەیاند‌و هێزە ئەمنیەكان دەستیان نەپاراسنو شەهید‌و برینداری لێ كەوتەوە.

 

nawand_-_ragayndraw_-__rejim__1


گران کردنی نرخی بێنزین لە لایەن دەوڵەتەوە لە کاتێک دایە کە خەڵکی ئێران‌و بە تایبەتی لە ماوەی یەک دوو ساڵی ڕابردوودا لە خراپترین دۆخی ژیان، بە ئابوورییەکی هەژارانەوە دەژین.

هەمووان دەزانن کە ئێران وڵاتێکی دەوڵەمەندە بە سامانە سروشتی، بەڵام ئەوە سیاسەتە هەڵە‌و چەوتەکانی کۆماری ئیسلامییە کە لە ماوەی چوار دەیە دەسەڵاتداری خۆیدا، ئەم دۆخەی بۆ خەڵکی ئێران بە دیاری هێناوە. کۆماری ئیسلامی بە پرۆژە ناپێویست‌و زیانبارەکانی، بە دزینی‌و تاڵانکارییەکانی سەروەت‌و سامانی خەڵک‌و بە تەرخان کردنی دارایی خەڵکی ئێران بۆ پشتیوانی کردن لە تیرۆریزمی نێودەوڵەتی‌و دەست تێوەردانە ئاژاوەگێڕییەکانی لە وڵاتانی ناوچەکە‌و جیهان، هۆکاری بەفیڕۆدانی سامانی ئێران‌و ئەو هەژارەییە لە ڕادەبەدەرەی خەڵکی ئێرانە.

بە پێی ڕاگەیەنراوی جەماوەری لە تۆڕە کۆمەڵایەتییەکان بڕیارە ئەمڕۆ شەممە ٢٥ی خەزەڵوەر خەڵک لە مەیدان‌و شەقامە سەرەکییەکاکانی شارەکانی خۆیان دژی ئەم بڕیارەی دەوڵەت بوەستنەوە. تا نووسینی ئەم ڕاگەیاندنە (ئەگەرچی هێڵی ئێنتێرنێت لە ئێران بچڕاوە یان زۆر خاوە) خەڵک بە ڕاگرتنی ئۆتۆمبیلەکانیان لە سەر شەقام‌و جادەکان لە ناڕەزایەتی دەربڕێن دان.

ناوەندی هاوکاری حیزبەکانی کوردستانی ئێران ئەم خۆپیشاندان‌و ناڕەزایەتی دەربڕینانەی خەڵکی ئێران بەم بڕیارە‌و بە دۆخی ژیانیان بە ڕەوا‌و بەحەق دەزانێت‌و پشتیوانی لێ دەکات‌و داواکارە تا بە چۆک داهێنانی رژیم‌و باندە مافیاییەکانی درێژە بە هەڵوێستی شیاو‌و بوێرانەیان بدەن.

 

ناوەندی هاوکاری حیزبەکانی کوردستانی ئێران

٢٥ی خەزەڵوەری ١٣٩٨ی هەتاوی

١٦ی نوامبری ٢٠١٩ی زایینی

 

  _______________________________________

 بۆ پێوه‌ندی‌ گرتن له‌گه‌ڵ‌ به‌ڕێوه‌به‌ر‌ى ماڵپه‌ڕ له رێگه‌ی‌ فه‌یسبووكه‌وه‌ ئێره‌ كلیك بكه‌ 


ناردن بۆ تۆڕه‌ کۆمه‌ڵایه‌تی‌یه‌کان
جاری خوێندراوه‌: 248
بۆچوونه‌کان (0)Add Comment

نووسینی بۆچوون
بچووکردنه‌وه‌ی خانه‌ی بۆچوون | گه‌وره‌کردنی خانه‌ی بۆچوون

busy